مگر اب چائے پیتا ہوں

بہت عرصہ ہواک دن

بتایا تھا مجھے اس نے

بنانا کچھ نہیں آتا

اگر میں کچھ بناتی ہوں

تو بس چائے بناتی ہوں

پیئو گے نا؟؟؟

اور میں اس بات پر

مسکراتا ہی رہتا تھا

کہ بنانا کچھ نہیں آتا

بناتی ہو تو بس چائے

مجھے چائے سے الجھن ہے

نہیں پیتا نہیں پیتا

اور اب اس بات کو گزرے

زمانے ہو گئے کتنے

نہیں معلوم مجھ کو

کہ وہ کیسی ہے

کہاں پر ہے

مگر اب چائے پیتا ہوں

بڑی کثرت سے پیتا ہوں

بڑی حسرت سے پیتا ہوں